რუსეთმა და ირანმა, სამხედრო თანამშრომლობის შესახებ ხელშეკრულებას ხელი მოაწერეს.

დღეს გამართულ პრესკონფერენციაზე, რუსეთის თავდაცვის მინისტრის სერგეი შოიგუმ განაცხადა, რომ ხელშეკრულება ძირითადად დელეგაციების ინტენსიურ გაცვლას, სამხედრო კადრების მომზადებას, სამშვიდობო საქმიანობისა და ტერორიზმთან ბრძოლის გამოცდილების გაზიარებას, რუსეთისა და ირანის პორტებში სამხედრო ხომალდების შესვლას ითვალისწინებს.

ირანის თავდაცვის მინისტრის ჰოსეინ დეხკანის განცხადებით, "რეგიონში არსებული ვითარება, ძლიერი რუსეთისა და ძლიერი ირანის ერთობლივ ქმედებებს მოითხოვს, რათა საერთაშორისო უსაფრთხოება და რეგიონალური სტაბილურობა შენარჩუნებულ იქნეს.“

„ჩვენ საერთო გამოწვევები და საფრთხეები გვაქვს, რომელსაც ერთად უნდა დავუპირისპირდეთ“- დასძინა მან.