აშშ-ის კონგრესმა, უკრაინის უსაფრთხოების დასაცავად, დამატებით 75 მილიონი დოლარის გამოყოფის გადაწყვეტილება მიიღო. ინფორმაციას, უკრაიანაში აშშ-ის ელჩი, ჯეფრი პაიტი ავრცელებს.

„აშშ, ისევე როგორც სხვა ქვეყნები, უკრაინის ტერიტორიული მთლიანობის შესანარჩუნებლად ყველაფერს აკეთებს. უკრაინის უსაფრთხოების დასაცავად ჩვენმა ქვეყანამ 119 მილიონი დოლარი უკვე გამოყო, ახლა კი კონგრესის გადაწყვეტილებით დამატებით 75 მილიონ დოლარს გადასცემს“ - განაცხადა პაიტმა. მისივე თქმით, უკრაინისთვის ტექნიკის შეძენაზე მნიშვნელოვანი, სამხედრო რეფორმების განხორციელებაა.

შეგახსენებთ, ცოტა ხნის წინ ამერიკის შეერთებული შტატების ხელისუფლებამ მზადყოფნა გამოთქვა, უკრაინას დამატებით 2 მილიარდი დოლარი ასესხოს.