კასპის რაიონში გარდაცვლილი იური ვაზაგაშვილის ნათესავების ინფორმაციით, ვაზაგაშვილს სისტემატიურად ემუქრებოდნენ და უებნეოდნენ, რომ შვილის გარდაცვალების საქმესთან დაკავშირებით ბრძოლა შეეწყვიტა.

ამის შესახებ „ნიუპოსტს“ ვაზაგაშვილის ნათესავმა განუცხადა.

„ნათესავები ვეუბნეოდით, რომ ზურას მაინც ვერ გავაცოცხლებთქო, თუმცა ამბობდა, არ გავჩერდები საქმე ბოლომდე უნდა მივიყვანოო. ხან მუქარის შემცველ წერილებს უგდებდნენ და ხან რას. გაჩერებას მაინც არ აპირებდა. ყოველ შაბათ კვირა აქ იყო და საფლავზე გადიოდა“, - ამბობს „ნიუპოსტთან“ გარდაცვლილის ნათესაბი, რომელიც ეჭვობს, რომ ვაზაგაშვილის შემთხვევით არ აფეთქებულა.

ცოტა ხნის წინ, იური ვაზაგაშვილი სოფელ ყარაფილაში, ნაღმზე აფეთქების შედეგად გარდაიცვალა.