ევროკავშირი რუსულენოვანი არხის შექმნის იდეას განიხილავს

მსოფლიო - 14:14, 20 Jan, 2015

1424

ევროკავშირის უმაღლესი კომისარი საერთაშორისო საქმეებისა და უსაფრთხოების პოლიტიკის საკითებში, ფედერიკა მოგერინი დიდი ბრიტანეთის, დანიისა და ესტონეთის შეთავაზებას ადასტურებს, რომელიც რუსეთის პროპაგანდის საწინააღმდეგო რუსულენოვანი არხის შექმნას ეხება. ამის შესახებ მოგერინიმ განცხადება, დღეს ბრიუსელში გამართული პრესკონფერენციის შემდეგ გააკეთა.

„არსებობს ერთსულოვანი გადაწყვეტილება, რომ რუსეთის პროპაგანდის წინააღმდეგ გზების პოვნაა საჭირო. ამასთან დაკავშირებით , მომავალ კვირას კონკრეტულ ნაბიჯებს გადავდგამთ. ზოგიერთი წინადადების განხილვა ახლაც მიმდინარეობს, მათ შორის არის ოთხი მინისტრის იდეა, რუსულენოვანი არხის დაარსებასთან დაკავშრებით, რასაც მივესალმები“ -განაცხადა მოგერინიმ.
შეგახსენებთ, ცოტა ხნის წინ, ლატვიის, ესტონეთის, დანიისა და დიდი ბრიტანეთის წარმომადგენლებმა, ევროკომისიას რუსული პროპაგანდის წინააღმდეგ საბრძოლო გეგმის შემუშავებისკენ მოუწოდეს. კერძოდ, მათ მიერ გაგზავნილ წერილში საუბარია ინტერნეტ პლატფორმის შექმნაზე, რომლის მეშვეობითაც გამოაშკარავდება რუსეთის მიერ გავრცელებული ცრუ ინფორმაცია, მანიპულაცია და წაახალისებს იბიექტური, მიუკერძოებელი რუსულენოვანი არხების შექმნას.
ინფორმაციისთვის, ლიტვამ სამი რუსული არხის ტრანსლაცია, რუსული პროპაგანდის მხარდაჭერის გამო შეწყვიტა.