ისლამური სახელმწიფოს დაჯგუფების წევრებმა მორიგი შემზარავი ფაქტების ამსახველი ფოტოსურათები გაავრცელეს. როგორც მედია წერს, ფოტოებზე ნაჩვენებია თუ როგორც აგდებენ მაღალი შენობების სახურავებიდან ისლამური სახელმწიფოს წევრები ჰომოსექსუალ მამაკაცებს. მედიის თანახმად, ისლამური სახელმწიფოს წევრებმა ერაყის ქალაქ მოსულში მრუშობის გამო, ქალი ქვებით ჩაქოლეს, ხოლო ორი ჰომოსექსუალი სახლის სახურავიდან გადმოაგდეს.

არსებული ინფორმაციით, შემზარავ მკვლელობას უამრავი ადამიანი ადევნებდა თვალს. 15 იანვრიდან სოციალურ ქსელში აქტიურად ვრცელდება ფოტოები, სადაც ნაჩვენებია, თუ როგორ უსწორდებოდნენ ტერორისტები არატრადიციული სექსუალური ორიენტაციის მქონე მამაკაცებს. როგორც გაირკვა, მათ მკვლელობის ამსხაველი კადრები სოციალურ ქსელ „ფეისბუკის“ საშუალებით გაავრცელეს. ინტერნეტში ასევე ორი ქურდის ჯვარზე გაკრული ფოტოებიც გავრცელდა, რომლებიც ტერორისტებმა ჯერ მოკლეს და შემდეგ გვამები ჯვარზე გააკრეს.