სასჯელაღსრულების მეშვიდე დაწესებულებაში რამდენიმე პატიმარი შიმშილობს. ამის შესახებ ადვოკატმა გელა ნიკოლაიშვილმა განაცხადა.

მისი თქმით, ერთ-ერთი პატიმარს რამდენიმე თვეა ტუბერკულოზის ნიშნები აქვს, თუმცა ადვოკატის ინფორმაციით, ციხეში ის შეამოწმეს და უთხრეს, რომ დაავადება არ აქვს.

როგორ ნიკოლაიშვილი ჰყვება, პატიმარმა პროტესტის ნიშნად თერმომეტრი გადაყლაპა და ამის მიუხედავად ის საავადმყოფოში არ გადაუყვანიათ.

„იმის გამო, რომ ერთმა პატიმარმა გასეირნების დროს მეორეს შობა მიულოცა, რამდენიმე მათგანი დასაჯეს და პაემნით სარგებლობა აუკრძალეს. ასევე არ აძლევენ უფლებას, რომ ისარგებლონ ტელეფონი. 15 იანვარს ვიყავი მეშვიდე დაწესებულებაში და 4 პატიმარი შიმშილობდა“, - აცხადებს ადვოკატი.