"მეტი ქალი თუ შეიძლება"- ეკა ზღულაძე უკრაინული „გაის“ საპატრულო პოლიციით ჩანაცვლებაზე მუშაობს

მსოფლიო - 21:07, 19 Jan, 2015

5177

უკრაინის შინაგან საქმეთა სამინისტროს სისტემაში პირველი რეფორის ფარგლებში. საპატრულო სამსახურისთვის თანამშრომელთა მიღება მიმდინარეობს. სწორედ აღნიშნული სამსახური ჩაანაცვლებს ე.წ გაის. თავდაპირველად, ეს კიევში განხორციელდება, შემდეგ კი, მთელ ქვეყანაზე გავრცელდება.

უკრაინული მედიის ინფორმაციით, ამის შესახებ უკრაინის შს მინისტრის მოადგილემ ეკატერინე ზღულაძემ განაცხადა.

„ჩვენ გთავაზობთ სამსახურს, რათა შეიცვალოს წესრიგი კიევსა და მთლიანად უკრაინაში. ვეძებთ ქალბატონებსა და მამაკაცებს, მეტი ქალი თუ შეიძლება“, - განაცხადა მან.

სახელმწიფო ავტოინსპექციის (გაი) რეფორმის შედეგად, „გაის“ ძველი თანამშრომლები სრულად გათავისუფლდებიან სამსახურიდან. ახალი კანდიდატები 21-დან 35 წლამდე უნდა იყვნენ, მათ უნდა ჰქონდეთ საშუალო ან უმაღლესი განათლება, არ უნდა იყვნენ ნასამართლევი და სხვა. საშუალო ანაზღაურება თვეში 6-დან 8 ათას გრივნამდე შეადგენს, რეფორმის ფარგლებში საგზაო ინსპექციას ახალი ავტმობილებიც გადაეცემა. განაცხადები 6 თებერვლამდე მიიღება. გადამზადების პერიოდი 3 თვეს მოიცავს. კიევის საპატრულო სამსახურში ორი ათასამდე თანამშრომელი იქნება.