სომხეთის სამოციქულო ეკლესია ქართული ტაძრების გადაცემის მოთხოვნას უარყოფს

რელიგია - 18:50, 18 Jan, 2015

2483

სომხური ეპარქია საინფორმაციო საააგენტოების მიერ გავრცელებულ ცნობას დეზინფორმაციას უწოდებს და აცხადებს, რომ საქართველოს ტეროტორიაზე მდებარე ეკლესიებთან დაკავშირებით არანაირი პრეტენზია არ გააჩნია. ეპარქიის განცხადებით, გავრცელებულ ინფორმაციაში ადგილი ჰქონდა ტენდენციურ აქცენტებს, რაც მიზნად ისახავდა საზოგადოების შეცდომაში შეყვანას. ინფორმაციას REGNUM-ი აქვეყნებს.

აზერბაიჯანული მხარის მიერ გავრცელდა ინფორმაცია, რომ სომხეთმა იუნესკოს საქართველოს ტერიტორიაზე არსებული დაახლოებით 450 ტაძრის სომხური სამოციქულო ეკლესიისთვის გადაცემის თხოვნით მიმართა. ამის შესახებ ინფორმაციას „ინტერფაქსი“ სანდო წყაროზე დაყრდნობით ავრცელებს.

აზერბაიჯანში მიიჩნევენ , რომ ეს ნაბიჯი მოსალოდნელი იყო, თუკი სომხურ ისტორიოგრაფიას გადავავლებთ თვალს. „მე-19 საუკუნეში სომხები საქართველოსა და აზერბაიჯანის იმ ტერიტორიებზე დასახლდნენ, სადაც არასოდეს ყოოფილა. მათ მიზნად დაისახეს „ყველაფრის გასომხება, რაც მის ირგვლივაა.“ ბოლო დროის პრეტენზიები დუდუკზე, ლავაშზე, არარატის მთაზე, ქართულ ღვინოზე დ ახლა უკვე ეკლესიებზე - ერთი ჯაჭვური კავშირია“- განაცხადა აზერბაიჯანის პრეზიდენტის ადმინისტრაციის ხელმძღანელმა, ფაუდ ახუნდოვმა. „პრეტენზიები საქართველოსა თუ თურქეთში არსებულ მატერიალურ და არამატერიალურ მემკვიდრეობასთან დაკავშირებით, სომეხი ისტორიკოსების მრავალსაუკუნოვანი გაყალბებული ისტორიის შედეგია.“