"უნდოდა ბავშვისთვისაც ესროლა, ვაზნები დაუმთავრდა და კონდახი ჩაარტყა"- გიუმრის ტრაგედიის დეტალები

მსოფლიო - 19:21, 17 Jan, 2015

16942

სომხეთის ქალაქ გიუმრიში, ავეტისიანების ოჯახის წევრების დახოცვაში ეჭვმიტანილის, ვალერი პერმიაკოვის ადვოკატი დაკითხვის დეტალებზე საუბრობს.
„მკვლელობის მოტივზე საუბრისას, პერმიაკოვმა უპასუხა, რომ მას „არ შემიძლია ვთქვა“.როდესაც ჰკითხეს, რატომ მოკლა ბავშვი იგივე პასუხი გასცა. მისი თქმით ავეტისიანების ოჯახში შემთხვევით შევიდა. მოსწყურდა და უბრალოდ წყლის დალევა უნდოდა. დაკითხვისას ძალიან დაღლილი იყო, ლაპარაკობდა ნელა.
თქვა, რომ სახლში ფანჯრიდან შევიდა.სახლში სამი ოთახი იყო. პირველ ოთახში ერთი ადამიანი დახვდა, რომელმაც გაიღვიძა და სომხურად უყვირა.პერმიაკოვის თქმით, მისი სიტყვები ვერ გაიგო, თუმცა როდესაც ტელეფონზე დარეკვა დააპირა, გაისროლა. შემდეგ ხმები მეორე ოთახიდან მოესმა, სადაც ორი გოგონა იყო. ორივეს ესროლა. მესამე ოთახში 4 ადამიანი იმყოფებოდა. სამ მათგანს ესროლა. უნდოდა ბავშვისთვისაც ესროლა, თუმცა ვაზნები დაუმთავრდა და კონდახი ჩაარტყა.
ამის შემდეგ, კვალის დაფარვის მიზნით ტანსაცმელლი გამოიცვალა, წყალი დალია და წავიდა. მისი თქმით, თურქეთში წასვლას არ აპირებდა. გაუაზრებლად მიდიოდა და არ იცის, როგორ აღმოჩნდა საზღვართან. აქედან გამომდინარე ვასკვნი, რომ პერმიაკოვს ფსიქიკური პრობლემები აქვს. მისი თქმით, მარტო მოქმედებდა“ - განაცხადა ადვოკატმა.
შეგახსენებთ, რუსმა ჯარისკაცმა ავეტისიანების ოჯახის 6 წევრი, მათ შორის პატარა გოგონა 12 იანვარს დახოცა. შემთხვევას მხოლოდ 6 თვის ბიჭი გადაურჩა.