გერმანიის ხელისუფლება მოსახლეობას ბერლინისა და დრეზდენის რკინიგზის სადგურებზე შესაძლო ტერორისტული თავდასხმების შესახებ აფრთხილებს .

გავრცელებული ინფორმაციით, თავდასხმები იგეგმება ასევე მოძრაობა “პეგიდის” მიერ ორგანიზებულ ანტიისლამურ გამოსვლებზე.

რადიკალი ისლამისტების მიერ დაგეგმილი შესაძლო ტერაქტების შესახებ გერმანიის უშიშროების სამსახურს ინფორმაცია სხვადასხვა ქვეყნის სპეცსამსახურებმაც მიაწოდეს.

გერმანიის შინაგან საქმეთა მინისტრის განცხადებით, ხელისუფლება საფრთხის შესახებ ინფორმაციას სერიოზულად აღიქვამს, თუმცა ამან მოსახლეობაში პანიკის საფუძველი არ უნდა შექმნას.