გიუმრის ტრაგედიის დროს სამხედრო დანით დაჭრილი 6 თვის ჩვილის მდგომარეობა კვლავ მძიმეა. ამის შესახებ ინფორმაციას სომხური მედია ავრცელებს. მათი თქმით, 6 თვის სერიოჟ ავეტისიანი მართვითი სუნთქვის აპარატზეა შეერთებული.

შეგახსენებთ 12 იანვარს ავეტისიანების ოჯახის 6 წევრი ცეცხლსასროლი იარაღით მოკლული იპოვეს, მათ შორის ორი წლის გოგონაც. მკვლელს მხოლოდ სერიოჟ ავეტისიანი გადაურჩა.

მკვლელობაში მთავარი ეჭვმიტანილი რუსი სამხედრო ვალერი პერმიაკოვია. ძიებას აღნიშნულ ფაქტზე რუსული მხარე აწარმოებს. ამ მოვლენებმა სომხეთში საყოველთაო მღელვარება გამოიწვია , რამდენიმე დღეა გიუმრის ბაზასთან და სომხეთის სხვადასხვა ქალაქებში საპროტესტო აქციები იმართება.