საგარეჯოში მცხოვრები ნანა ბუზარიაშვილი სამართალდამცველებს შვილის ცემაში ადანაშაულებს. მისი მტკიცებით, პოლიციელები მის შვილს დაკავების დროს გაუსწორდნენ.

როგორც „რუსთავი 2“-თან საუბარში ბუზარიაშვილი ამბობს, სამართალდამცველებმა შეურაცხყოფა მასაც მიაყენეს მაშინ, როდესაც შვილის დაცვას ცდილობდა.

მომხდარს ანა ბუზარიაშვილის მეზობლები ადასტურებენ, რომლებიც პირველი ჯგუფის ინვალიდის დასახმარებლად მივიდნენ.

მათი ინფორმაციით, სამოქალაქო ტანსაცმელში ჩაცმული პირები ლერი კაიდარაშვილს სცემდნენ.

როგორც ცნობილია, 30 წლის კაიდარაშვილი საგარეჯოს რაონის სამმართველოში გადაიყვანეს, თუმცა მას ნარკოტიკების მოხმარება არ დაუდგინდა და რამდენიმე საათში გაათავისუფლეს.

კაიდარაშვილი დღეს უკვე მესამედ დააკავეს. ბუზარიშვილის ინფორმაციით, მის შვილს წინა დაკავებების დროსაც ფიზიკურად უსწორდებოდნენ.

შინაგან საქმეთა სამინისტროში პოლიციელთა მხრიდან ძალის გადამეტების ფაქტს უარყოფენ.