ბალკანეთის კრიზისი - უკანასკნელი კოზირი პუტინის ხელში

მსოფლიო - 16:04, 15 Jan, 2015

3659

გერმანიის კანცლერის, ანგელა მერკელის განცხადებით ევროკავშირმა სერიოზულად უნდა აღიქვას საფრთხე იმისა, რომ რუსეთმა ევროპაში შესაძლოა კონფლიტქის ახალი კერა გააღვივოს და ეს ბალკანეთის ომი იქნება.

ამის შესახებ, ბულგარეთის ლიბერალური სტრატეგიების ცენტრის თავმჯდომარე, ივან კრასტევი “Financial Times”-ის გვერდზე წერს.

„ამ წელს, მოვლენები ორი შესაძლო სცენარით განვითარდება. კრემლს შეუძლია აღმოსავლეთ უკრაინა დატოვოს და დასავლეთთან ურთიერთობა მოაგვაროს, ან განაგრძოს ზეწოლა და ევროპულ ლიდერებთან ბრძოლით კონტინენტი ორ ნაწილად დაყოს.
შესაბამისად, პუტინს დიდი არჩევანი არ აქვს. უკრაინაზე მორიგი თავდასხმა, ევროკავშირის მხრიდან სანქციების გამკაცრებას ნიშნავს. ეს კი ბოლოს მოუღებს ევრაზიულ კავშირს, რომელიც ახლახან აღმოცენდა. ამიტომ, ყოფილ საბჭოთა კავშირის ქვეყნებთან კრემლმა ფრთხილად უნდა იმოქმედოს.
ამისათვის საუკეთესო ადგილი ბალკანეთია. დღემდე, რუსეთს მცდელობა არ ჰქონია ალბანეთი და ბოსნია-ჰერცოგოვინა თავისი გავლენის ქვეშ მოექცია. ამ ქვეყნებისთვის ევროკავშირი მთავარი სავაჭრო პარტნიორი და ინვესტიციების წყაროა. თუმცა, კრასტევის აზრით, ეს ქვეყნები ევროპული დიპლომატიის „სუსტ წერტილს“ წარმოადგენს.
მათი საბანკო სისტემა ძალიან სუსტია და მჭიდრო კავშირი აქვთ რუსეთთან, რომელიც თავის მხრივ დიდ ინვესტიციებს განახორციელებს. თუკი რუსეთი თავისი ფულის უკან დაბრუნებას მოითხოვს, ეს ძირს გამოუთხროს ახალგაზრდა დემოკრატიის მქონე ქვეყნებს.
„ბალკანეთში კონტროლირებადი კრიზისი, რუსეთის კოზირი იქნება. ეს აიძულებს ევროპულ ქვეყნებს, უკრაინის საკითხზე ყურადღება მოადუნონ. ეს კი ერთიანი ევროპული უსაფრთხოების დასასრული იქნება. სამხრეთ და ჩრდილოეთ ევროპას შორის დიდი უფსკრული გაჩნდება“- ამბობს ექსპერტი.