უკრაინის პრეზიდენტთან არსებული კომისია რომელიც უცხოელებისთვის მოქალაქეობის მინიჭების საკითხს კურირებს, პრეზიდენტს მოქალაქეობის 5 კანდიდატს წარუდგენს, რომლებიც მოქალაქეობის მიღების შემდეგ სახელმწიფო ორგანოებში მუშაობას დაიწყებენ.

კომისიის წევრის ვალერი პაცკანის განცხადებით, პრეზიდენტს წარედგინა ფრანგი მიშელ ტერეშენკოს კანდიდატურა, რომელიც მოქალაქეობის მიღების შემდეგ აგრარულ სფეროში დასაქმდება.

ამასთანავე კომისიამ რეკომენდაცია გაუწია 4 ქართველს, რომლებიც მას შემდეგ რაც უკრაინის მოქალაქეები გახდებიან მუშაობას იუსტიციის სამინისტროში გააგრძელებენ.

პაცკანის თქმით, „სპეციალისტები , რომლებიც იუსტიციის სამინისტროში დაიწყებენ მუშაობას, უკრაინის იუსტიციის სამინისტროს რეფორმირებას და მისი ევროპულ სტანდარტებთან მიახლოებას შეუწყობენ ხელს.