სომხეთში რუსი ჯარისკაცის მიერ მოკლული 6 ადამიანის დაკრძალვის ცერემონიალი მიმდინარეობს. მიცვალებულები უკვე გამოასვენეს ეკლესიიდან.

დაკრძალვის ცერემონიას ესწრება გიურმის ათასობით მცხოვრები. დახოცილი ოჯახისთვის პატივის მისაგებად ერევნიდან და სომხეთის სხვა ქალაქებიდანაც ჩავიდნენ.

შეგახსენებთ, 12 იანვარს ავეტისიანების ოჯახის 6 წევრი ცეცხლსასროლი იარაღით დახოცილი აღმოაჩინეს. მოკლულთაგან ერთ-ერთი პატარა გოგონაა. მთავარი ეჭვმიტანილი- რუსი სამხედრო ვალერი პერმიაკოვია. მისი დაკავება სომხეთ-თურქეთის საზღვარზე მოხდა.

წინასწარი ინფორმაციით, პერმიაკოვის საქმეს რუსული მხარე განიხილავს, ამ ფაქტმა სომხეთის მოსახლეობის პროტესტი გამოიწვია.