უკრაინის პრეზიდენტმა პეტრო პოროშენკომ 15 იანვარი საყოველთაო გლოვის დღედ გამოაცხადა.

პეტრო პოროშენკოს გადაწყვეტილების მიზეზი 13 იანვარს, დონეცკის ქალაქ ვოლნოვახში მომხდარი ტერაქტი გახდა, როდესაც სამგზავრო ავტობუსის დაბომბვის დროს 12 მშვიდობიანი მოქალაქე დაიღუპა, ათეულობით კი დაშავდა.

15 იანვარს, პრეზიდენტის განკარგულებით, სახელმწიფო უწყებების, დაწესებულებების, საწარმოებისა და ორგანიზაციების შენობებზე უკრაინის სახელმწიფო დროშები დაეშვება. ასევე გაიცა რეკომენდაცია, რათა მოხდეს საკონცერტო-გასართობი ღონისძიებების ჩატარებისგან თავის შეკავება.