ე.წ ნავთლუღის სპეცოპერაციის საქმის განხილვა სააპელაციო სასამართლომ დაიწყო.

საქმეში ბრალდებულები არიან ბაჩო ახალია, მეგის ქარდავა, ლევან ქარდავა და გიორგი მაზმიშვილი.

სააპელაციო სასამართლოს საქმე დაცვის და პროკურატურის მიერ საქალაქო სასამართლოს განაჩენის გასაჩივრების შემდგომ გადაეცა.

დღევანდელი სხდომა ერთ-ერთი ბრალდებულის გიორგი მაზმიშვილის არყოფნის გამო გადაიდო. მისი არყოფნის გამო გარკვეული ეჭვები გამოთქვა ბრალდბულმა ლევან ქარდავამ და განაცხადა, რომ მას მაზმიშვილმა მიაწოდა ინფორმაცია, პროკურატურიდან განხორციელებული გარკვეული ზეწოლის შესახებ. ქარდავამ მაზმიშვილზე ზეწოლაში პროკურორი ჯარჯი წიკლაური დაადანაშაულა. წიკლაურმა ბრალდებულზე ზეწოლასთან დაკავშირებით კომენტარი სასამართლო დარბაზშივე გააკეთა და აღნიშნული ფაქტი უარჰყო.

მაზმიშვილზე შესაძლო ზეწოლის საბაბით დაცვის მხარე დღეს პროკურორების აცილებას ითხოვდა, თუმცა დაცვის მხარემ ეს შუამდგომლობა არ დააკმაყოფილა.

ბრალდებულმა ბაჩანა ახალაიამ დღეს მოსამართლეთა კოლეგიის აცილების საკითხიც დააყენა, მათ წარსული შეახსენა და განაცხადა, რომ ისინი ამ საქმეში ობიექტურები ვერ იქნებოდნენ .

„თქვენ ვერ იქნებით ობიექტური სასამართლო, რომელიც თეთრზე თეთრს იტყვის და შავზე შავს“- მიმართა ახალაიამ მოსამართლეს და დაამატა , რომ იმ დროს, როცა ქართველი ხალხი საკუთარ ენას იცავდა და ცხრა აპრილს აღნიშნული მოსამართლე კომუნისტური პარტიის რომელიღაც ოთახში იჯდა.

„ვფიქრობ თქვენი შეხედულებები, მიდგომები იქნება ჩვეულებრივ კომუნისტური, როგორც ყოველთვის, იმიტომ რომ საბჭოთა კომუნიზმს, სადაც თქვენ მოღვაწეობდით და მუშაობდით მთელი ამ წლების განმავლობაში ახასიათებდა ერთი მარტივი რამ, ხელისუფლების უაზრო მორჩილება, მნიშვნელობა არა აქვს ბრეჟნევი იქნებოდა ხელისუფლებაში თუ ივანიშვილი. თქვენ ვერ გამასამართლებთ მე, რომელსაც არაფერი საერთო კომუნიზმთან და ამ სისტემასთან არ აქვს“- განაცხადა ახალაიამ.

ნავთლუღის სპეცოპერაციის სააპელაციო განხილვა 4 თებერვალს გაგრძელდება.