შინაგან საქმეთა სამინისტროში არ ადასტურებენ ინფორმაციას, რომ რუსთაველის გამზირზე „თავისუფალი ზონის“ წევრების დაკავება იგეგმება.

ამის შესახებ „ნიუპოსტს“ უწყების პრესსამსახურში განუცხადეს.

ცოტა ხნის წინ გავრცელდა ინფორმაცია, რომ რუსთაველის გამზირზე მშენებარე "მხატვრის სახლთან" პოლიციაა მობილიზებული და "თავისუფალი ზონის" წევრების დაკავებას ცდილობს.

არსებული ინფორმაციით, ორგანიზაციის წევრებს ბრალად ხულიგნობა ედებათ. საუბარია დღეს დილით მომხდარ ფაქტზე, რა დროსაც "თავისუფალი ზონის" წევრებმა პარლამენტის შენობის წინ დიდი ბანერი გააკრეს, სადაც ბაჩო ახალაიას წიგნის სათაური-"სოხუმი ჩემი იერუსალიმი" ეწერა.