Charlie Hebdo-ს რედაქციაზე თავდასხმის შემდეგ, დღეს გაზეთის ახალი ნომერი გამოდის.

მის გარეკანზე მუჰამედ წინასწარმეტყველის კარიკატურაა დაბეჭდილი, წარწერით „მე ვარ შარლი და ყველაფერი გაპატიეთ“.

გარეკანი Charlie Hebdo-ს რედაქტორმა და კარიკატურისტმა საგანგებო პრესკონფერენციაზე წარადგინეს.

"ასეთ ვითარებაში რთული იყო კარიკატურის შექმნა. ერთადერთი იდეა მქონდა, რომ დამეხატა მუჰამედი. ის ამბობდა - „მე ვარ შარლი“ და მივამატე წარწერა „ყველაფერი გაპატიეთ“. ეს არ არის გარეკანი, რომელსაც ისლამისტები ისურვებდნენ, ეს არის ჩვენი გარეკანი. ბოდიშს გიხდით, ისევ დავხატეთ მუჰამედი“, - განაცხადა კარიკატურისმა რენალდ ლუსიემ.

გაზეთის რედაქციას გასულ კვირას ისლამისტი ტერორისტები დაესხნენ თავს. შემთხვევას 12 ადამიანი ემსხვერპლა.