პოროშენკომ უკრაინაში ავტობუსის აფეთქება პარიზის ტერაქტს შეადარა და მობილიზაცია გამოაცხადა

მსოფლიო - 11:02, 14 Jan, 2015

2750

უკრაინის პრეზიდენტმა პეტრო პოროშენკომ ვოლნოვახში მშვიდობიანი მოქალაქეებით სავსე სამგზავრო ავტობუსის დაბომბვა საფრანგეთის ტერაქტებს შეადარა.

”ეს საშინელი ტრაგედია ისეთი მოვლენაა, რომ თავისი სისასტიკით თანამედროვე სამყაროშიც კი გამოირჩევა, ეს სულის გამყინავი უბედურებაა.”- განაცხადა პოროშენკომ.

მან აღნიშნა, რომ ტერორისტებმა განზრახ მოკლეს ათეულობით სამქალაქო პირი, მათ შორის 14 წლის გოგონა, ”მათი სიკვდილი დეენეროვსკის და ელენეროვსკის გაერთიანებული ბანდის სინდისზეა და მათ სინდისზე ვინც მათ უკან დგას, ვინც მათ კვებავს და აიარაღებს, აქეზებს და სისხლიან დანაშაულებს შთააგონებს . ჩვენი ჯარისკაცები კი შეუძლიათ მათ ღირსეული პასუხი გასცენ, მათ ვინც დღეს დონეცკის აეროპორტს უტევდა, ეს თავიანთ ტყავზე გამოსცადეს.”

პრეზიდენტის თქმით უკრაინა მზად არის დაიცვას საკუთარი მიწა და განაცხადა, რომ 14 იანვარს ის ხელს მოაწერს მობილიზაციის ახალი ტალღის გამოცხადების შესახებ ბრძანებულებას.

”ადამიანების მასიური დახოცვა პარიზში და ვოლნოვახში- ეს ერთი და იგივე დონის დანაშაულია. ცივილიზებული მსოფლიო უნდა გაერთიანდეს ტერორიზმთან ბრძოლაში”- განაცხადა პოროშენკომ.

მან იმედი გამოთქვა, რომ ხუთშაბათს ევროპარლამენტი ევროკავშირის ხელმძღვანელობას მოუწოდებს, რომ ე.წ დონეცკის და ლუგანსკის სახალხო რესპუბლიკები ტერორისტულ ორგანიზაციებად გამოაცხადონ.

”მე მინდა გამოვხატო უდიდესი მწუხარება დაღუპულთა ოჯახების მიმართ , მოვუწოდებ მთელ მსოფლიოს უკრაინის სოლიდარობისკენ, უკრაინელებს კი იმ საფრთხის წინაარმდეგ გაერთიანებისკენ, რომელსაც ჩვენი ქვეყნის მიმართ განხორციელებული აგრესია და ტერაქტები წარმოადგენს.”- განაცხადა უკრაინის პრეზიდენტმა.