ყაზახეთში, აკმოლინსკის ოლქში მდებარე სოფელ კალაჩიში ამოუცნობი ავადმყოფობით დაავადებული 4 ადამიანის ჰოსპიტალიზირება გახდა საჭირო, ადამიანებს უცაბედად ეძინებათ. ინფორმაციას ამის შესახებ ყაზახეთის საგანგებო სიტუაციების სამსახური ავრცელებს.

ექიმების თქმით ეს გაურკვეველი წარმოშობის ენცეფალოპათიაა. ეგრეთ წოდებული “ძილის დაავადება” მხოლოდ ძილს არ იწვევს -ავადმყოფები გონების დაკარგვას და ჰალუცინაციებსაც უჩივიან. ეს ამ სოფელში პირველი შემთხვევა არაა „ძილის დაავადებისას“ ზოგიერთი მათგანი თითქოს საშინელ სიზმარს ხედავს – ზოგი ასლოკინებს, ზოგი იცინის, ზოგი ლოკოკინებს აგროვებს…ფსიქიატრებს მასობრივ ისტერიაზეც აქვთ ეჭვი.

მედიკოსები ვერაფერს ამბობენ. სოფლის ექიმს თავად ჩაეძინა და 5 დღეა სძინავს. საავადმყოფოში მას წვეთოვანი დაუდგეს და ნემსებს უკეთებენ.

ადგილობრივები ამ ფაქტს იმით ხსნიან, რომ იქვე მიტოვებული ურანის მაღაროა. რუსი მეცნიერები, რომლებიც ათწლეულების განმავლობაში იკვლევდნენ ადამიანის ორგანიზმზე რადიაციის ზემოქმედებას, ამბობენ, რომ ეს ყველაფერი უფრო ქიმიას ჰგავს და არა რადიაციას.

სოფელში სულ 600 ადამიანი ცხოვრობს, მათგან ყოველმა მეათემ გადაიტანა “ძილის ავადმყოფობა”. მცხოვრებლები ხელისუფლებას, სხვა ადგილებში ჩასახლებას თხოვენ, მაგრამ ჯერ-ჯერობით პასუხი არ ჩანს.