ფოტოებში შეშინებული ადამიანები ჩანან, რომლებიც ყოველ წუთს საყინულის კარს მიღმა მყოფი ექსტრემისტის შემოსვლას ელოდებიან. ლასანა ბეტილმა ექსტრემისტის, ამედი კოულიბალის სუპერმარკეტში შეჭრისთანავე ებრაელი მომხმარებლები საყინულეში დამალა და მთელ სუპერმარკეტში ელექტროენერგია გათიშა. ფოტოებში ჩანს 2 მამაკაცი, 3 ქალბატონი და ჩვილი.

პოლიციამ ამედი კოულიბალის ლიკვიდაცია 4 მძევლის დახოცვის შემდეგ განახორციელა. საყინულეში მყოფი მძევლები თავდასხმას უვნებლად გადაურჩნენ. სუპერმარკეტში ექსტრემისტს 19 მძევალი ჰყავდა აყვანილი.