ქარელის რაიონში სოფელ დვანის განაპირას ოსური მხარის კონტროლირებადი ტერიტორიიდან გადმოსულმა პირებმა ადგილობრივი მკვიდრი დააკავეს.

ინფორმაცია „ნიუპოსტს“ შინაგან საქმეთა სამინისტროში დაუდასტურეს.

არსებული ინფორმაციით, ბეგლარ ახალკაცი საკუთარ ხილის ბაღში იმყოფებოდა შეშის მოსაჭრელად, როდესაც აღნიშნული პირები გამოჩნდნენ.

როგორც ცნობილია, მამაკაცი საზღვრის უკანონო გადაკვეთის ბრალდებით დააკავეს.

გავრცელებული ინფორმაციით, ახალკაცი ცხინვალის მილიციის წინასწარი პატიმრობის იზოლატორშია გადაყვანილი.

მომხდართან დაკავშირებით ევროკავშირის სადამკვირვებლო მისიის ცხელი ხაზი უკვე ამოქმედდა. ასევე, ამ პროცესში შსს-ს ანალიტიკური დეპარტამენტიც ჩაერთო.