რა ბედი ელის ბაგრატის ტაძარს ,,იუნესკოს’’ სიაში?

საზოგადოება - 00:50, 21 Jan, 2013

726

უკვე დანამდვილებით შეიძლება ითქვას, რომ მესამე ასეთი შემთხვევა საქართველოსთან დაკავშირებით მოხდება. ბაგრატის ტაძარი მსფოლიო კულტურული მემკვიდრეობის სიაში აღარ იქნება და ამას საქართველოს მთავრობა არც მოითხოვს.

განაცხადი, რომელსაც კულტურის სამინისტრო იუნესკოში წასადგენად ამზადებს, მხოლოდ გელათია ნახსენები.

ბაგრატის ტაძრის მსოფლიო მემკვიდრეობის ნუსხიდან ამოღების საკითხი დღის წესრიგიდან მისი აღდგენის შემდეგ ჯერ კიდევ არ მოხსნილა, ის ერთი წლით, ,,იუნსეკოს’’ მორიგ სხდომამდე გადავადდა, რომელიც წელს ივნისში, კამბოჯაში ჩატარდება.

კულტურისა და ძეგლთა დაცვის მინისტრის მოადგილის მარინა მიზანდარის განცხადებით, საქართველოს მაშინდელი ხელისუფლების ლობირების შედეგად ეს საკითხი არ განხილულა, რომ განხილულიყო, სიიდან ამოვარდებოდა.

მსოფლიო მემკვიდრეობის ცენტრის დირექტორმა ,,რუსთავი 2’’-ის გადაცემა ,,პოსტსკრიპტუმთან’’ საუბრისას ყურადღება იმ ფაქტზე გაამახივილა, რომ ბაგრატის ტაძარი მსოფლიო მეკვიდრეობის ნუსხაში 1994 წლიდან მოყოლებული დამოუკიდებლად კი არ იყო შესული, არამედ გელათთან ერთად. სიაში მათ დღემდე ერთი ნომინიაცია, ანუ ერთი სათაური აქვთ.

,,რადგანაც ბაგრატის ტაძარს შეუსაბამო რეკონსტრუქცია ჩაუტარდა, ექსპერტებმა დაადგინეს, რომ მისი გამორჩეული, ზოგადსაკაცობრიო ღირებულება დაკარგულია, რომლის აღდგენაც შეუძლებელია, ამიტომაც მათი რეკომენდაციაა, რომ გელათის მონასტერს საშუალება მიეცეს, დამოუკიდებლად გამოხატოს გამორჩეული ზოგადსაკაცობრიო ღირებულება. ამისთვის საქართველოს მთავრობის მიერ ახალი სათაურის, ახალი ნომინაციის შემოთავაზებაა საჭირო, რომელიც გელათის მონასტერს წარმოადგენს და ამ შემთხვევაში ბაგრატის ტაძარი უკვე მისი ნაწილი აღარ იქნება’’- განაცხდა მსოფლიო მემკვიდრეობის ცენტრის დირექტორმა, მისივე განმარტებით, საქართველოს მთავრობამ ახალი განაცხადის შეტანა პირველ თებერვლამდე უნდა მოასწროს.

კულტურის სამინისტროს დოკუმენტში, რომელიც იუნესკოში უნდა იყოს წარდგენილი მხოლოდ გელათის მონატრის საზღვრებია მითითებული ბაგრატის ტაძრის გარეშე.