საფრანგეთის შსს მინისტრის ბერნარ კაზანიოვის განცხადებით, 11 იანვარს, პარიზში დაგეგმილ სოლიდარობის მარშის დროს, რომელში მონაწილეობასაც საფრანგეთის მოსახლეობის გარდა, ევროპისა და მსოფლიოს სხვადასხვა სახელმწიფოთა ლიდერებიც მიიღებენ, უსაფრთხოების განსაკუთრებული ზომები იქნება მიღებული.

მისი განცხადებით, თავად მარშის გასამართ ტერიტორიის პერიმეტრზე მობილიზებულია შსს 2000 და საფრანგეთის არმიის 1300-მდე ჯარისკაცი, შენობების სახურავებზე სნაიპერები იქნება განლაგებული.

„გარდა ამისა, განსაკუთრებული ყურადღება მიექცევა სამაუწყებლო კომპანიების, ჟურნალ-გაზეთების რედაქციებისა და სტამბების, რელიგიური თავშეყრის ადგილებისა და სკოლების უსაფრთხოებას.