,,ჩვენ თავისუფალი ერი ვარ და ზეწოლა ვერ გაგვტეხს"

,,ჩვენ თავისუფალი ერი ვარ და ზეწოლა ვერ გაგვტეხს" - ფრანსუა ოლანდის მიმართვა

მსოფლიო - 02:00, 10 Jan, 2015

2004

საფრანგეთის პრეზიდენტმა ფრანსუა ოლანდმა, ფრანგი ხალხისადმი მიმართვაში ბოლო ორი დღის განმავლობაში განვითარებულ მოვლენებზე ისაუბრა და განაცხადა, რომ იმ ფანატკოსებს ვინც ეს სისასტიკე ჩაიდინეს, არაფერი აქვთ საერთო რელიგიასთან. ორლანდმა ფრანგ ხალხს ერთიანობისა და მობილიზაციისკენ მოუწოდა . „საფრანგეთი არ უნდა გაიხლიჩოს. ჩვენ თავისუფალი ერი ვართ და ზეწოლა ვერ გაგვტეხს“- განაცხადა პრეზიდენტმა ტელემიმართვაში. ფრანსუა ოლანდმა გარდაცვლილთა ოჯახის წევრებს თანაგრძნობა გამოიცხადა და აღნიშნამ რომ ეს დიდი ტრაგედიაა . მან ასევე ორი დღის განმავლობაში მობილიზებულ სამართალდამცავებს მადლობა გადაუხადა.

პრეზიდენტმა ქოშერულ მაღაზიაში განვითარებულ მოვლენებს "საშინელი ანტისემიტური აქტი" უწოდა.

შეგახსენებთ, რომ შეიარაღებულმა პირმა დღეს ქოშერულ მაღაზიაში რამდენიმე მძევალი აიყვანა. აჰმად კუბალის ლიკვიდირება ფრანგმა სამართლამდამცავებმა სპეცოპერაციის ჩატარების შემდეგ შეძლეს. კუბალისთან ერთად იმყოფებოდა მისი მეგობარი ქალიც, რომელიც ამ დროისთვის პოლიციის მიერ იძებნება. დაიღუპა სულ მცირე 4 მძევალი.

პარელალურად სპეცოპერაცია მოეწყო ქალაქ დამატენ ან გუიელში, სადაც სამართალდამცავებმა საწყობში გამაგრებული ტერორისტი ძმები მოკლეს. გავრცელებული ინფორმაციით, კუაშებს მძევლად ერთი ქალი ჰყავდათ აყვანილი, რომელიც ამ დროისთვის გათავისუფლებულია. ძმებმა კუაშებმა სატირულ ჟურნალ Charlie Hebdo-ზე ტერაქტი განახორციელეს, რომლის შედეგადაც 12 ადამიანი დაიღუპა.