,,მალე დიდი რუსეთისგანაც მიიღებთ“ - ტიმატი საფრანგეთზე ტერაქტს მიესალმება

მსოფლიო - 13:55, 09 Jan, 2015

15273

რუსი რეპერი ტიმატი გახარებული დარჩა 7 იანვარს პარიზში "Charlie Hebdo"-ს რედაქციაზე თავდასმის ფაქტით. მომღერალი დადებითად აფასებს მომხდარს და ამბობს, რომ ტერორისტები სწორად მოიქცნენ, როცა მათ ჟურნალისტები კარიკატურების გამო ჩახოცეს. ამის შესახებ რეპერი ინსტაგრამზე წერს.

,,სასიხარულო ამბავი საფრანგეთიდან, რომელმაც ჩვენს დიდ რუსეთს სანქციები დაუწესა! - ასე იწყებს თავის პოსტს რუი რეპერი - "თავისუფალ სიტყვას" ამოფარებულები ეს დამპალი და საზიზღარი ფრანგები, შეურაცხყოფას აყენებენ მუსულმანებს. ამიტომ, შურისძიების დრო დადგა მსოფლიოში და ის გაგრძელდება, თუ ზეციდან ამისი ნება იქნება. ჯოჯოხეთში ასეთი ადამიანებისთვის ადგილი განუსაზღვრელადაა. თუ მათ მუსულმანების შეურაცხყოფის უფლება აქვთ, მაშინ 2 მუსულმანმა ასე გამოხატა ხელოვნების თავისუფლება. გეი ოლანდი და მისნაირები, ობამა, მერკელი და სხვა არატრადიციული ორიენტაციის ადამიანები რუსეთს ეკონომიკურ ომს უცხადებენ და ათასობით ბავშვებს, ქალებს, მოხუცებს და მუსულმანებს კლავენ მთელს მსოფლიოში, ყოველ საათს მათ ქალაქებს და სახლებს ბომბავენ. თქვენ მალე დიდი რუსეთისგან მიიღებთ! რატომ ბომბავს ამერიკა, გერმანია, საფრანგეთი, იორდანია, ისრაელი და კანადა სირიის, ერაყის, ლიბიის და ავღანეთის ქალაქებს? არაბები თავიანთ ქვეყანაში მშვიდობიანად ცხოვრობდნენ, სანამ ესენი იქ არ მივიდნენ. დაბომბეთ თქვენი პარიზი, როგორც ამას სირიაში და ერაყში აკეთებთ, დაბომბეთ ვაშინგტონი, როგორც ბაღდადი, დაბომბეთ ბერლინი, როგორც კობანი და დაბომბეთ თქვენი ოტავა, როგორც დონეცკი", - წერს მომღერალი.