ამერიკის შეერთებული შტატების პრეზიდენტი ბარაკ ობამა ვაშინგტონში საფრანგეთის საელჩოში მივიდა და სამძიმრის წიგნში ჩანაწერი დატოვა.

მან Charlie Hebdo-ს რედაქციაზე თავდასხმის შედეგად დაღუპულებს წუთიერი დუმილით პატივი მოაგო.

მისი თქმი, ჟურნალისტებზე და თავისუფალ მედიაზე თავდასხმამ კიდევ ერთხელ გაუსვა ხაზი, თუ როგორ ეშინიათ ტერორისტებს სიტყვისა და პრესის თავისუფლების.

„ჩვენ მტკიცედ ვდგავართ ჩვენი ფრანგი ძმების გვერდით სამართლიანობისა და საერთო ფასეულობების დასაცავად. ჩვენ ერთად მივემართებით მომავლისკენ და ვიცით, რომ ტერორიზმი ვერ დაამარცხებს თავისუფლებასა და ჩვენს იდეალებს, რომელიც გზას უნათებს სამყაროს. Vive La France!", - დაწერა ბარაკ ობამამ სამძიმრის წიგნში.