ყოფილ პრემიერ-მინისტრ ზურაბ ჟვანაის გარდაცვალების საქმეზე ბრალდებულის, სასამართლო-სამედიცინო ექსპერტის ლევან ჩაჩუას სასამართლო პროცესი დღეს გაგრძელდება.

თბილისის საქალაქო სასამართლოში დღევანდელ პროცესზე იგეგმება ზურაბ ჟვანიასა და რაულ უსუპოვის ცხედრების ექსპერტიზის ამსახველი ვიდეო-მასალის სრულად ჩვენება. ამის შესახებ ჟვანიას საქმეზე ბრალდებული ექსპერტის ლევან ჩაჩუას საქმის პროკურორმა რევაზ ნადოიმ განუცხადა.

პროკურორის თქმით, 9 იანვარს დანიშნულ სხდომაზე ბრალდების მხარის მოწმეების დაკითხვა იგეგმება. ვიდეომასალის ჩვენება სავარაუდოდ, დახურულ დარბაზში მოხდება. ამასთან, ბრალდების მხარე 9 იანვარს ჩანიშნულ პროცესზე მტკიცებულების გამოკვლევის ეტაპს დაასრულებს, რის შემდეგაც მოწმეების დაკითხვას დაცვის მხარე დაიწყებს.

ლევან ჩაჩუა მიმდინარე წლის მარტში დააკავეს.