მუსლიმი სწავლულები საფრანგეთში მომხდარ ტერაქტს ისლამის შეურაცხყოფად მიიჩნევენ

მსოფლიო - 15:26, 08 Jan, 2015

3830

მუსლიმი სწავლულები საფრანგეთში მომხდარ ტერაქტს გამოეხმაურნენ და განაცხადეს რომ ამ ინციდენტს ისლამთან კავშირი არ აქვს. მეცნიერები აღშფოთებას გამოხატავენ დამნაშავეების ქმედების გამო და მათ ქმედებას არა ისლამის დაცვად არამედ რჯულის ღალატად და შეურაცხყოფად მიიჩნევენ. ისინი კატეგორიულად გმობენ ისლამის სახელით განხორციელებულ თავდასხმას და შეშფოთებულები არიან იმ ზიანით, რომელიც ამ ქმედების გამო ისლამს და მუსლიმებს მიადგათ.

დოქტორი ტარიქ რამადანის განცხადებით ეს არის ისლამური ღირებულებების ღალატია და Charlie Hebdo-ს რედაქციაზე თავდასხმისას ტერორისტებმა ისლამი შეურაცხყვეს.

„ მე აბსოლუტურად ვგმობ ამ ფაქტს და განრისხებული ვარ, ნება მიბოძეთ გამოვხატო ჩემი თანაგრძნობა და გულწრფელი სამძიმარი გამოვუცხადო დაღუპულთა ოჯახებს.“- დაწერა მეცნიერმა სოციალურ ქსელში.

დოქტორმა ხალედ ჰანაფიმ მუსლიმებს ამ ფაქტის დაგმობისკენ მოუწოდა და ექსტრემიზმის და ტერორიზმის წინაარმდეგ მუსლიმ ლიდერებს საერთაშორისო თანმამეგობრობასთან ერთად ყველა აუციელებელი ზომის მიღება სთხოვა.

„რა უფრო შეურაცხმყოფელია წინასწარმეტყველისთვის სატირული ნახატები მის შესახებ თუ მისი სახელით უდანაშაულო ადამიანების დახოცვა?“- ამ კითხვით ეხმაურება შეიხ ომარ სულეიმანი პარიზში დატრიალებულ ტრაგედიას.