გაერო-ს დევნილთა უმაღლესი კომისარიატის მონაცემებით, 2014 წელს იძულებით გადაადგილებულ პირთა რაოდენობამ ისტორიულ რეკორდს მიაღწია.

ანგარიშში ნათქვამია, რომ მსოფლიოში საკუთარი სახლიდან იძულებით განდევნილი 46,3 მილიონი ადამიანია.

"2014 წელს იმ ადამიანთი რიცხვი, რომლებიც ჩვენი მზრუნველობის ქვეშ იმყოფებიან, უპრეცედენტოდ გაიზარდა“ - განაცხადა დევნილთა საკითხებში გაერო-ს უმაღლესმა კომისარმა ანტონიუ გუტერეშმა.

მისი თქმით, მსგავსი ზრდა ახლო აღმოსავლეთსა და აფრიკაში ომებმა გამოიწვია.