,,საქართველოს გენერალთა კლუბი" განცხადებას ავრცელებს

საზოგადოება - 13:29, 19 Jan, 2013

529

"განსაკუთრებულად გვინდა ავღნიშნოთ ყოფილი სამხედრო მოსამსახურეების განთავისუფლების საკითხი. ისინი სამშობლოს მეომრები არიან და ციხეებში წინა ხელისუფლების პირადი ამბიციების გამო აღმოჩნდნენ. ამასთან, გვინდა ხაზი გავუსვათ იმას, რომ ბოლო რამდენიმე დღის განმავლობაში ქართულ მედიაში ტრიალებს ფრაზა პოლკოვნიკ ტრისტან წითელაშვილის წოდებასთან დაკავშირებით. იგი თავის თავს და მედიასაშუალებებიც მოიხსენიებენ, როგორც გენერალს. ამის გამო სამხედრო საზოგადოებაში გაჩნდა სამართლიანი უკმაყოფილების გრძნობა. გვინდა განვაცხადოთ, რომ ტრისტან წითელაშვილისთვის არც საქართველოს და არც სხვა რომელიმე ქვეყნის ხელისუფლებას გენერლის წოდება არ მიუნიჭებია, ხოლო რომელმე არასამთავრობო ორგანიზაციის მიერ მინიჭებული რანგი არ შეიძლება, ოფიციალურ წოდებად ჩაითვალოს, ამიტომ გენერალთა კლუბი მიმართვას თხოვნით მედიასაშუალებებს, ტრისტან წითელაშვილი მისი ოფიციალური წოდებით - პოლკოვნიკი მოიხსენიონ, რომელიც მას საქართველოს ხელისუფლებამ მიანიჭა. პოლკოვნიკის წოდება სამხედრო იერარქიაში უმაღლესი რანგია და მიუთითრებს მისი მატარებლის ღირსებასა და პროფესიონალიზმზე, ამიტომ სამხედროებისთვის გაუგებარია ზოგიერთი მაღალი რანგის ოფიცრის მხრიდან ასეთი ქმედებები, როდესაც დაუმსახურებელ წოდებებს ითვისებენ და მითუმეტეს, გაუგებარია სახელმწიფოს ოფიციალური სტრუქტურების მხრიდან დუმილი", - ნათქვამია გენერალთა კლუბის მიერ გავრცელებულ განცხადებაში.