დავით ბაშარულის ცხედარი ცხინვალის პროზექტურაშია გადასვენებული

სამართალი - 17:46, 05 Jan, 2015

1461

შინაგან საქმეთა სამინისტროს საინფორმაციო-ანალიტიკური დეპარტამენტის დირექტორი შალვა ენუქიძე „ნიუპოსტთან“ ახალგორის მიმდებარე ტერიტორიაზე დავით ბაშარულის ცხედრის პოვნის ფაქტს ადასტურებს, მის კომენტარს ჩვენ უცვლელად გთავაზობთ.
„შსს 2014 წლის ივნისში გაუჩინარებული, ოკუპირებული ახალგორის მკვიდრის დავით ბაშარულის ცხედრის პოვნის ფაქტს ადასტურებს. ამ დროისთვის ჩვენს ხელთ არსებული ინფორმაციით თავით ბაშარულის ცხედარი ნაპოვნი იქნა ოკუპირებული ახალგორის სოფელ დოლიაადის მიმდებარე ტერიტორიაზე. ჩვენი ინფორმაციით ცხედარი ამჟამად გადასვენებულია ოკუპირებული ცხინვალის პროზექტურაში. საინფორმაციო ანალიტიკური დეპარტამენტის ე.წ. ცხელი ხაზის მეშვეობით, რომელშიც აქტიურად არის ჩართული ევროკავშირის სადამკვირებლო მისია მიმდინარეობს მოლაპარაკება რათა დავით ბაშარული გადმოსვენებული იქნას. ამ დროისთვის სხვა დეტალები ზუსტდება, რაც შეეხება გარდაცვალების მიზეზს, უმჯობესი იქნება გამოძიების ინტერესებიდან გამომდინარე თავი შევიკავოთ და დაველოდოთ ექსპერტიზის დასკვნას“ ამბობშ შალვა ენუქიძე „ნიუპოსტთან“ საუბრისას.
გიორგი ახალკაცი „ნიუპოსტი“ შიდა ქართლი