ახალგორის გამგებელი ნუგზარ თინიკაშვილი 5 თვის წინ გაუჩინარებული დავით ბაშარაულის გარდაცვალების ახალ ვერსიაზე საუბრობს.

თინიკაშვილი ვარაუდობს, რომ ბაშარული მილიციას ცემაში შემოაკვდათ და მისი ცხედარი სოფელ დოლიანთან გუშინ მიიტანეს. მისი თქმით, სოფლის მაცხოვრებლებს იმ გზის გავლა, სადაც ცხედარი აღმოაჩინეს, ხშირად უწევთ და მას აუცილებლად შენიშნავდნენ.

„სოფელ დოლიანში აღმოჩენილი იქნა გვამი. სავარაუდოდ, გვამი ეკუთვნის 5 თვის წინ დაკარგულ დავით ბაშარულს. ეს პიროვნება მუშაობდა ახალგორში კომუნალურ სამსახურში. ის მილიციამ დააკავა და იქიდან გამოსული არავს უნახავს. მაშინვე იყო ვარაუდო, რომ მილიციას ის შემოაკვდა. შესაძლოა, ეს პიროვნება სადმე იყო დამარხული და ეხლა მიიტანეს ადგილზე, სადაც ის ჩამომხრჩვალი ნახეს“, - აცხადებს თინიკაშვილი.

დავით ბაშარულის ცხედარი ადგილობრივებმა ახალგორსა და სოფელ იკოთს შორის ხეზე ჩამოკიდებული ნახეს. ბაშარული ზაფხულში ახალგორის მილიციის თანამშრომლებმა განყოფილების შენობაში წაიყვანეს და მას ოჯახი ამ დრომდე უშედეგოდ ეძებდა.