გურჯაანის რაიონის სოფელ შაშიანში მომხდარ მკვლელობასთან დაკავშირებით ახალი დეტალები ხდება ცნობილია. ნათესავების ინფორმაციით, მკვლელობის მიზეზი 50 ლარი გახდა.

„ნათესავს თავდებში ჩაუდგა, მანქანის ნაწილი აყიდინა. ბოლო 50 ლარი იყო დარჩენილი და სწორედ ამასთან დაკავშირებით მოხდა ჩემს მეუღლესა და მკვლელს შორის შელაპარაკება“, - განაცხადა გარდაცვლილის მეუღლემ.

ოჯახის წევრები ასევე სასწრაფო დახმარების დაგვიანებით მისვლაზეც საუბრობენ. მათი ინფორმაციით, ავთანდილ ქართველიშვილი შემთხვევიდან 2 საათის შემდეგ მისულ სასწრაფო დახმარების მანქანას გარდაცვლილი დახვდა.

შემთვევა გურჯაანის რაიონში გუშინ ღამე მოხდა. 1977 წელს დაბადებულმა გიორგი ყ.-მ ერთი ადამიანი მოკლა და ორი დაჭრა. ერთ-ერთი დაჭრილი ავთანდილ ქართველიშვილის შვილია.

შსს-ს კახეთის სამხარეო მთავარი სამმართველოს და გურჯაანის რაიონული სამმართველოს თანამშრომლებმა ცხელ კვალზე ჩატარებული ოპერატიულ-საგამოძიებო ღონისძიებების შედეგად 1977 წელს დაბადებული გიორგი ყ. განზრახ მკვლელობის ბრალდებით დააკავეს.