როგორც "ნიუპოსტს" ძალოვან სტრუქტურებთან დაახლოებულმა წყარომ შეატყობინა, დაპატიმრებული ოფიცრები და ჯარისკაცები ხელბორკილებით ჩამოიყვანეს ავღანეთიდან. სპეციალური რეისი, რომლითაც დაკავებულებთან ერთად ავღანეთიდან საქართველოში სამხედრო პოლიციის წარმომადგენლები დაბრუნდნენ, თბილისში გუშინ, გვიან ღამით ჩამოფრინდა. შესაბამისად, გუშინდელი დღის შემდეგ ორი ოფიცერი და რამდენიმე ჯარისკაცი პატიმრობაშია.

იმის გამო, რომ ამ ინფორმაციას თავდაცვის სამინისტრო არ ახმაურებს, უცნობია ჯარისკაცთა ვინაობა, თუმცა, "ნიუპოსტმა" შეძლო დადგენა, რომ ერთ-ერთი დაკავებული ოფიცრის გვარია ქარჩაიძე.

ჯერჯერობით ასევე დაუდგენელია, რაში ედებათ ბრალი დაკავებულ სამხედრო მოსამსახურეებს. თავდაცვის სამინისტროს ოფიციალური განცხადება ამ დრომდე არ გაუვრცელებია.

შეგახსენებთ, რომ სერჟანტი გიორგი კიკაძე ავღანეთში 2012 წლის ოქტომბერში გაემგზავრა, 19 დეკემბერს კი გაუჩინარდა. სერჟანტის ძიება-გადარჩენის ოპერაცია 10 დღის განმავლობაში მიმდინარეობდა. 29 დეკემბერს სამხედრო მოსამსახურე გარდაცვლილი იპოვეს. გიორგი კიკაძე, რომელსაც 16 იანვარს 25 წელი შეუსრულდებოდა, 5 იანვარს, რუსთავში დაკრძალეს.