აშშ-ის პრეზიდენტის ბარაკ ობამას თქმით, შეერთებული შტატების მიერ რუსეთის წინააღმდეგ სანქციების დაწესებამ მსოფლოს დაანახა, რომ პუტინი არც ისე ჭკვიანია.

მისი თქმით, დასავლეთის სანქციები ისე იყო გათვლილი, რომ მოსკოვი ნავთობის ფასზე ყოფილიყო დამოკიდებული.

„სამი–ოთხი თვის წინ ვაშინგტონში ყველა დარწმუნებული იყო რომ პუტინი გენიოსია, რომ მან ჭკუით გვაჯობა და რუსეთის ძალაუფლების გაფართოება მოახერხა. მე მაშინ ვთქვი, რომ არ გვინდოდა რუსეთთან ომი. ამის სანაცვლოდ შეგვეძლო მოგვეხდინა მასზე ზეწოლა ევროპელ პარტნიორებთან ერთად. დღეს კი ხალხი უკვე ფიქრობს, რომ ის რაც პუტინმა გააკეთა, არც ისე ჭკვიანური ნაბიჯი იყო", - განაცხადა ობამამ ნაციონალურ საზოგადოებრივი რადიოსთვის მიცემულ ინტერვიუში.