ჩეჩნეთის პრეზიდენტმა რამზან კადიროვმა რუსეთის პრეზიდენტს მხარდაჭერა გამოუცხადა და აღნიშნა, რომ რუსეთს დასავლეთისგან ჩეჩენი მოხალისეები დაიცავენ, რომლებიც ნებისმიერი სირთულის სამხედრო დავალების შესასრულებლად არიან მზად .

„ამერიკამ და ევროპამ ეკონომიკური ომი გამოუცხადეს რუსეთს, რათა ქვეყანაში პანიკა, ქაოსი, მასობრივი არეულობა გამოეწვიათ. თუმცა რუსი ხალხი თავისი ლიდერის გარშემო გაერთიანდა , ჩეჩენ ხალხს ამ ერთიანობაში მნიშვნელოვანი ადგილი უკავია. თხუთმეტი წელია პუტინი ჩვენს ქვეყანას ეხმარება. ახლა ჩვენ თქვენთან ვართ! მზად ვართ დავიცვათ რუსეთის სტაბილურობა, საზღვრები და შევასრულოთ ნებისმიერი სირთულის სამხედრო დავალება“ - განაცხადა კადიროვმა ჩეჩენ მოხალისეებთან შეხვედრისას.