თავდაცვის სამინისტროს ყოფილ მაღალჩინოსანთა ადვოკატები დღეს სააპელაციო სასამართლოს მიმართავენ. ისინი საქალაქო სასამართლოს იმ გადაწყვეტილებას გააცაჩივრებენ, რომლითაც თავდაცვის უწყების ყოფილი მაღალჩინოსნები პატიმრობაში რჩებიან.

ადვოკატები სასამართლოს გადაწყვეტილებას დაუსაბუთებელს და უსამართლოს იწოდებენ.

"სააპელაციო სასამართლოში საქალაქო სასამართლოს განჩინებას გავასაჩივრებთ. მოვითხოვთ ცნოს დასაშვებად ჩვენი შუამდგომლობა და შეუცვალონ ჩვენს დაცვის ქვეშ მყოფებს აღკვეთის ღონისძება პატიმრობა სხვა ნაკლებად მძიმე ღონისძიებით," - განაცხადა ადვოკატმა ლევან სამუშიამ.

როგორც ცნობილია, დაკავებულ ექსმაღალჩინოსნებს თავდებში 40-მდე ადამიანი დაუდგა. მათ შორის არიან დეპუტატები და საზოგადოებისთვის ცნობილი სახეები.

თავდაცვის სამინისტროს ხუთ ყოფილ მაღალჩინოსანს გამოძიება საბიუჯეტო თანხის გაფლანგვას ედავება.