აზერბაიჯანის ოფიციალური უწყების ცნობით, აღნიშნული პირი საქართველოს მოქალაქე ქიბარ ხალვაშია, რომელიც საქართველოში თაღლითობის, მითვისების, ფულის გათეთრების, დოკუმენტების გაყალბებისა და თანამდებობის ბოროტად გამოყენების ბრალდებით იძებნება.

ქიბარ ხალვაშის დაკავებასთან დაკავშირებით ინფორმაციას არ ფლობდა მისი და, ფატი ხალვაშის თქმის ქიბარ ხალვაში აზერბაიჯანში არ იმყოფებოდა და აქედან გამომდინარე გაუგებარია მისი დაკავების შესახებ ინფორმაციის გავრცელება.

ქიბარ ხალვაშის გათავისუფლება მალევე მოხდა, მთავარი პროკურატურის განცხადებით, მისი დაკავების შესახებ ინფორმაციის მიღებისთანავე აზერბაიჯანში ქართულმა მხარემ შესაბამისი დოკუმენტაცია გაგზავნა.

,,ქიბარ ხალვაშთან დაკავშირებული დოკუმენტაცია ჩვენ აზერბაიჯანში ოპერატიულად გავგზავნეთ და ის უკვე გათავისუფლებულია. როგორც შევიტყვეთ, ქიბარ ხალვაში ისე მცირე ხნით შეაყოვნეს საზღვარზე, რომ ვერც მიხვდა, თუ დაკავებული იყო. პოლიტდევნილის სტატუსის მქონე პირებზე წითელი ცირკულარით ძებნა მოხსნილია, თუმცა დსთ-ს ქვეყნებში სხვა სამართლებრივი სტანდარტები არსებობს, რის გამოც ჩვენ ამ პირებს მივმართეთ თხოვნით, უახლოესი ერთი კვირის განმავლობაში საქართველოში ჩამოსვლისგან თავი შეეკავებინათ’’, - აღნიშნა პროკურატურის საზოგადოებასთან ურთერთბის სამსახურის ხელმძღვანელმა ხათუნა პაიჭაძემ. მთავარი პროკურატურისთვის ხალვაშის ადგილსამყოფელი უცნობია.

ქიბარ ხალვაშის დაკავების შესახებ ინფორმაცია აზერბაიჯანულმა მედიამ დღეს გაავრცელა.