სასამრთო პროცესზე ხიზანიშვილის მიმართ აღკვეთის ღონისძიების – პატიმრობის გირაოთი ან საპარლამენტო უმცირესობის 21 დეპუტატის თავდებობით შეცვლის საკითხი განიხილება. პროკურორი მისი გათავისუფლების წინააღმდეგია და მოტივად, თანამდებობიდან გამომდინარე მოწმეებზე ზემოქმედების საფრთხე დაასახელა.

დღევანდელ პროცესს უმცირესობის წევრები აკაკი მინაშვილი და ჩიორა თაქთაქიშვილი ესწრებიან, რომლებმაც სასამართლოს გადასცეს 21 დეპუტატის თავდებობის შესახებ განცხადება. ხიზანიშვილის ადვოკატმა მამუკა ჭაბაშვილმა დააყენა შუამდგომლობა, რომ აღკვეთის ღონისძიება შეიცვალოს 21 დეპუტატის თავდებობით ან გირაოს სახით 10 ათასი ლარის ოდენობით.

შეგახსენებთ, რომ ხიზანიშვილს გუშინ ბრალი დაუმძიმდა და ორი მუხლი დაემატა.