ლიტვის პრეზიდენტმა დალია გრიბაუსკაიტემ მოსკოვში ჩასვლაზე უარი განაცხადა, ფაშიზმზე გამარჯვების 70 წლის იუბილესთან დაკავშირებით მოწვევა მას რუსეთის ხელისუფლებისგან მოუვიდა.

გრიბაუსკაიტეს უარის შესახებ ინფორმაციას პრეზიდენტის პრეს მდივანი ავრცელებს.

როგორც ცნობილია ლიტვის პრეზიდენტებს აღნიშნულ საზეიმო ღონისძიებაში არც 5 და არც 10 წლის წინ მიუღიათ, თუმცა ბალტიისპირეთის სხვა ქვეყნის ლიდერები ამ ღონისძიებაში მონაწილეობას იღებდნენ.

ლიტვის პრეზიდენტი ცნობილია თავისი მკვეთრი გამონათქვამებით პუტინის რეჟიმის მიმართ. გრიბაუსკაიტემ რუსეთს , „მტაცებელი მეზობელი სისხლიანი ხელებით“ და „ტერორისტული სახელმწიფო“ უწოდა.

რამდენიმე დღის წინ გავრცელებული ინფორმაციით, მეორე მეორე მსოფლიო ომის გამარჯვებისადმი მიძღვნილ საზეიმო ღონისძიებაზე დასასწრებად მოსკოვში გამგზავრებაზე უარი თქვა აშშ-ის პრეზიდენტმა, ბარაკ ობამამ.

უცხოური მედიის ცნობით, ღონისძიებაზე მიწვეულია ჩრდილოეთ კორეის ლიდერი კიმ ჩენ ინიც.