უკრაინის შინაგან საქმეთა მინისტრის არსენ ავაკოვის განცხადებით უკრაინის დედაქალაქში საგზაო ავტოინსპექცია უქმდება და მის ნაცვლად საპატრულო პოლიციის სამსახური შეიქმნება, . მისი თქმით, პატრულში ახალი თანამშრომლების მიღება 20 იანვრიდან დაიწყება. რეფორმის დეტალებს საზოგადოებას მინისტრის მოადგილე ეკა ზღულაძე სპეციალურ ბრიფინგზე გააცნობს.

შს მინისტრის თქმით პატრულში მუშაობის მსურველები სამთვიან ტრენინგებს გაივლიან და მათ შორის საუკეთესოები შეირჩევა, პოლიციის ახალ თანამშრომლებს მაღალი ანაზღაურება დაუწესდებათ.

როგორც ავაკოვი აცხადებს, უკრაინულ პატრულში მუშაობის დაწყება როგორც პოლიციის მოქმედ თანამშრომლებს და სამხედროებს, ასევ სტუდენტებს და უმაღლესი განათლების მქონე სპეციალისტებს შეუძლიათ. კიევის შემდეგ რეფორმა ქვეყნის სხვა ქალაქებსა და რეგიონებში განხორციელდება.