უკრაინასთან დაკავშირებით ნატოს გენერალური მდივანი სპციალურ განცხადებას ავრცელებს. იენს სტოლტენბერგის თქმით, უკრაინა მას შემდეგ შეძლებს ნატოში გაწევრიანების შესახებ განაცხადის შევსებას, რაც ქვეყანაში რეფორმების პროცესი დასრულდება.

ტელეარხ NRK-თვის მიცემულ ინტერვიუში სტოლტენბერგს არ დაუკონკრეტებია, თუ რა დრო დასჭირდება აღნიშნულ პროცესს.

იანს სტოლტენბერგის თქმით, ამისათვის უკრაინას სამი ძირითადი რეფორმის გატარება მოუწევს. ნატოს გენერალური მდივნის განცხადებით, კიევმა თავდაცვის რეფორმა უნდა გაატაროს, ეფექტური სახელმწიფო მართვის აპარატი შექმნას და კორუფციასთან ბრძოლა გაააქტიუროს. რაც შეეხება ალიანსში გაწევრიანების პერსპექტივას, სტოლტენბერგის თქმით, კონკრეტული ვადების დასახელება ჯერჯერობით ნაადრევია.

შეგახსენებთ, რომ უკრაინის უმაღლესმა რადამ ქვეყნის ბლოკის გარეშე სტატუსი გააუქმა და კურსი ევროატლანტიკურ სტრუქტურებში ინტეგრაციაზე აიღო. პრეზიდენტმა პოროშენკომ ეს გადაწყვტილება იმით ახსნა, რომ ბლოკის გარეშე სტატუსმა ვერ შეძლო ქვეყნის უსაფრთხოების უზრუნველყოფა.