ზუგდიდის ცენტრში ინციდენტი მოხდა. ქალაქის გამგეობის თანამშრომელმა თემურ თოდუამ "საქართველოს ფოსტის" ზუგდიდის ფილიალის უფროსს სცემა. ინფორმაციას დაზარალებული ალექსანდრე მალაშხია ავრცელებს.

მისი თქმით, ცემის მიზეზი სოციალურ ქსელში გავრცელებული ფოტო გახდა, სადაც ასახული იყო თემურ თოდუას წარსული. მისი განმარტებით, საუბარია იმაზე, რომ თოდუა ნარკოტიკს მოიხმარდა.

როგორც მალაშხია აცხადებს, მას ფიზიკურად საკრებულოს თავჯდომარის ცოლის ძმა თემურ თოდუა და „ქართული ოცნების“ შტაბის წევრი გიორგი ჯანაშია გაუსწორდნენ.

"სამსახურეობრივ მოვალეობას ვასრულებდი, რა დროსაც შევნიშნე ზუგდიდის რაიონის საკრებულოს თავმჯდომარის, გოგიას მანქანა, რომელსაც მისი ცოლის ძმა თემურ თოდუა მართავდა. მან გამაჩერა და მთხოვა მანქანიდან გადმოვსულიყავი. მკითხა, თუ რატომ გავიზიარე სოციალურ ქსელში ფოტო, სადაც თემურ თოდუა იყო ასახული. ამის შემდეგ სიტყვიერ და ფიზიკურ შეურაცხყოფაზე გადავიდნენ", - განაცხადა მალაშხიამ.

მომხდარზე დაწყებული გამოძიება.