„აშშ-ს პრეზიდენტმა ხელი მოაწერა ანტირუსულ კანონს, რომელიც უფლებას იძლევა ჩვენი ქვეყნის მიმართ აშშ-ს ნებისმიერმა პრეზიდენტმა ნებისმიერ დროს სანქციები გამოიყენოს, როგორც ჯეკსონ-ვენიკის კანონის შემთხვევაში , ჩვენი ურთიერთობები მოიწამლება ათწლეულების განმავლობაში.
უკრაინის პრეზიდენტმა უმაღლეს რადაში გააგზავნა კანონპროექტი უკრაინის სახელმწიფოსთვსი ბლოკგარეშე სტატუსის მოხსნისთვის. ფაქტიურად ეს ნატოში გაწევრიანებაზე და რუსეთის პოტენციურ სამხედრო მოწინააღმდეგეობაზე გაკეთებული განაცხადია. ორივე ამ გადაწყვეტილებას ექნება უკიდურესად ნეგატიური შედეგები და ჩვენ ქვეყანას მოუწევს მათზე პასუხების გაცემა.“- წერს დმიტრი მედვედევი სოციალურ ქსელში.
შეგახსენებთ ბარაკ ობამამ გასულ კვირას ხელი მოაწერა დოკუმენტს, რომელიც პრეზიდენტს რუსეთის წინააღმდეგ დამატებითი სანქციების მიღების უფლებამოსილებას ანიჭებს. ხოლო პეტრო პოროშენკომ უმაღლეს რადას უკრაინის სახელმწიფოსთვის ბლოკგარეშე სტატუსის მოხსნის თაობაზე მიმართა.
მასალის გამოყენების პირობები






