გიგი უგულავას ,,შავი კაცის ისტორია და სტენდალი"

გიგი უგულავას ,,შავი კაცის ისტორია და სტენდალი" - ,,კლასიკურ რომანში მოვხვდით..."

სამართალი - 16:04, 22 Dec, 2014

1352

თბილისის ყოფილი მერის გიგი უგულავას განცხადებით, ბიძინა ივანიშვილმა და „ქართულმა ოცნებამ“ 2012 წლის საპარლამენტო არჩევნების წინ უამრავი კანონდარღვევა ჩაიდინეს.

ამის შესახებ უგულავამ სასამართლო პროცესზე განაცხადა.

მისი თქმით, სწორედ ამ დარღვევების დაფარვის მიზნით გამოაცხადა ბიძინა ივანიშვილმა ამნისტია, რომელიც ადმინისტრაციული სასჯელისგან გათავისუფლებას ეხება.

„მე და გიორგის პარტიის უკანონო დაფინანსებას გვედავებიან. სინამდვილეში ამ ბატონებმა საზოგადოება მოატყუეს. არჩევნების პირველი და მეორე ტურის წინ ჩაერთნენ კონკრეტული პოლიტიკური პარტიის წინასაარჩევნო პროპაგანდაში და აბსოლუტურად სხვა ბრალის ფორმულირება მოხდა. ის საზოგადოებისთვის წარდგენილი ვერსია სისხლის სამართლის დავა არ არის. ის არის ადმინიტრაციული დავაა. როდესაც ივანიშვილი ხელისუფლებაში მოვიდა პირველი ამნისტია რაც გააკეთა, იყო ადმინისტრაციული სასჯელისგან გათავისუფლება, სადაც პოლიტიკური პარტიები და საკუთარი თავი გაათავისუფლა იმ დარღვევებისგან, რომელიც მას ჰქონდა ჩადენილი პირველი ოქტომბრის არჩევნების წინ. შავი კაცის ისტორია სტენდალივითაა, აქეთ რიჟაა წრფელი და იქით შავი კაცი. რაღაც კლასიკურ რომანში მოვხვდით“, - განაცხადა უგულავამ.

საქალაქო სასამართლოში გიგი უგულავას პროცესი გაიმართა. საქმე ეხება უკანონო ლეგალიზაციის ბრალდებას, რის გამოც ყოფილ მერს წინასწარი პატიმრობა აქვს შეფარდებული. აღნიშნულ საქმეზე უგულავასთან ერთად ბრალდებულია მისი ქვისლი გიორგი ღონიაშვილი. ლატარიის კომპანიის ყოფილ ხელმძღვანელ ალექსანდრე გოგოხიაზე კი ძებნაა გამოცხადებული.