ე.წ. კაბელების საქმეზე დაკავებულთა ადვოკატები, საქალაქო სასამართლოს შსს-თან შუამდგომლობას სთხოვს.

როგორც ადვოკატი, ლევან სამუშია განმარტავს მათ შს სამინისტროსგან ოპტიკურ-ბოჭკოვანი ინტერნეტით მომსახურების მიმწოდებელი, კონტრაქტორი კომპანიების შესახებ ოფიციალური ინფორმაციის გასაჯაროება ორჯერ მოითხოვეს, თუმცა უწყებამ მათი მოთხოვნა არ დააკმაყოფილა.

როგორც, სამუშია აცხადებს, მოთხოვნის საფუძველი გახდა ის ფაქტი, რომ ”კაბელების” საქმესთან შედარების კონტექსტში შინაგან საქმეთა სამინისტრომ განცხადება გააკეთა, რომ მათ კომპანია ”დელტა კომი” პრაქტიკულად, უფასოდ ემსახურება. თუმცა არსებობს განსხვავებული მოსაზრებაც. ადვოკატები ვარაუდობენ, რომ თანხა, რომელსაც უწყება დელტა-კომს უხდის, კოლოსალურია.

„მოვითხოვე ამ წერილით, რომ აქვს თუ არა შინაგან საქმეთა სამინისტროს „დელტა კომთან“ და სხვა კომპანიებთან გაფორმებული საიჯარო ხელშეკრულება ოპტიკურ-ბოჭკოვანი მომსახურების შესახებ და თუ ჰქონდათ, რა თანხას იხდიდნენ ამაში. შსს-ს არ სურს ამ ინფორმაციის გამჟღავნება და რადგან ინფორმაცია ვერ მივიღეთ, გადავწყვიტეთ მივმართოთ სასამართლოს, რომ გაგვიწიოს დახმარება ამ ინფორმაციის მოპოვებაში,“ - განმარტავს ადვოკატი ლევან სამუშია.

დაცვის მხარე შსს-თან დაკავშირებით შესაბამისი შუამდგომლობით საქალაქო სასამართლოს დღეს მიმართავს.