ვაშინგტონმა ყირიმს ახალი სანქციები დაუწესა. შესაბამის განკარგულებას პრეზიდენტმა ბარაკ ობამამ ხელი გვიან ღამით მოაწერა.

სანქციების ახალი პაკეტი ნებისმიერი პროდუქტის ექსპორტს, ასევე, ინვესტიციების ჩადებას უკრძალავს, ეს ყოველივე ეხებათ ფიზიკურსა და იურიდიულ პირებს. ყველა ამერიკულ კომპანიას, ვინც ყირიმთან ითანამშრომლებს, საჯარიმო სანქციები დაუწესდება.

„მინდა კიდევ ერთხელ მოვუწოდო რუსეთს, ყირიმის ანექსია და დონბასელ სეპარატისტთა მხარდაჭერა შეწყვიტოს და მინსკის შეთანხმებით აღებული ვალდებულებები შეასრულოს,"-განაცხადა დოკუმენტის ხელმოწერის შემდეგ თეთრი სახლის ლიდერმა.