19 დეკემბრის საღამოს განმუხურში ინდური სამშენებლო კომპანია გაძარცვეს. „ნიუპოსტის“ ინფორმაციით, სამშენებლო კომპანიის ტერიტორიაზე რამდენიმე პირი შეიჭრა, რომლებმაც აღნიშნული ტერიტორიიდან მილები, მავთულები და მეტლახი გაიტანეს.

სამშენებლო მასალის გატანის დროს ქურდებისთვის ხელის შეშლა კომპანიის ერთ-ერთმა უცხოელმა წარმომადგენელმა სცადა, თუმცა მათ კომპანიის წარმომადგენელს ფიზიკური წინააღმდეგობა გაუწიეს და მას ხელი დაარტყეს.

ქურდებმა სამშენებლო მასალის მანქანაზე დატვირთვა მაინც მოახერხეს , ერთ-ერთი ვერსიით დატვირთული ავტომობილი ოკუპირებულ ტერიტორიაზე გადავიდა.

ინდური კომპანია განმუხურის ტერიტორიაზე დასასვენებელი კომპლექსს აშენებს. მშენებლობა ადმინისტრაციული სასაზღვრო ზოლიდან დაახლოებით 200 მეტრში მიმდინარეობს.

ადგილზე გამოძახებული იქნა პოლიცია, საქმე 177-ე ქურდობის მუხლით არის აღძრული. ამ დროისთვის საგამოძიებო მოქმედებები მიმდინარეობს.